s. m. Celuy qui sçait la Chirurgie, & qui en fait les operations, qui saigne, qui pense les playes, &c. Un bon Chirurgien doit estre excellent Anatomiste. Ce mot vient du Grec cheirourgos, comme qui diroit, celuy qui travaille des mains, mais qui travaille par excellence.

CHIRURGIEN DE ROBBE LONGUE, est un Chirurgien qui a estudié en Medecine, & qui a droit de porter la robbe ; au lieu que le Barbier Chirurgien est un Chirurgien qui fait la barbe, & autres menuës operations de Chirurgie. On les distinguoit autrefois par les enseignes. Ceux de robbe longue avoient des boëstes, & les Barbiers des bassins. Maintenant ils sont reünis, & ne font plus qu'une communauté à St. Cosme. Arcabuto fut le premier Chirurgien que les Romains receurent en la Republique : mais ils l'eurent bientost en horreur, à cause qu'ils luy voyoient coupper & trencher des membres, desorte qu'ils le lapiderent au Champ de Mars.